本社其他文章
分隔線
焦點報導單元
客家人客家事分類
客家人行事曆
條件篩選
類別：人文社會
看著鐵樹就會想起當多做細人仔在阿婆花園肚介童年回憶。因爭阿姐公39歲盛年過背後，阿姐婆分人盡感心一隻婦人家毋單淨愛帶等3男4女，肚屎肚又還囥有一隻遺腹子吂出世。雖然庄項人講曾屋無愛蓄妹子 ? 實在係｢擔竿無齧顧雙頭｣無偎無靠難過桄，故所二阿姨對歲後還有媽媽一滿月就分人去食別儕介乳。｢鐵打心肝，會落軟。｣聽講阿姐婆識背帶攜等佇竹南姐婆介屋角唇行上行下，毋堵好續分阿太撞著，兩子親家且姆尷尷尬尬三拉四挷背帶續落下來，阿姐婆孤不將正入阿落屋，看到牛奶餅大嫲銅笐，還有搞介咖啦貨仔滿眠床頭，知知自家這個妹仔有世大人恁惜毋會衰過，吃飽畫正包袱仔打等轉。媽媽大哩逐擺轉去｢鼻乳膄｣，兩子哀枕頭唇有盡多捨毋得介說不盡介話頭好講。這下看起來媽媽恁多姊妹，續係這個無佇屋下食阿姆乳，佬阿姐婆介身裝仔連行路也越來越像。
阿姐婆係大屋下人，上家下屋連叔伯介共下算仔去，房內愛喊做阿舅介盡多。一下過年也係堵到打醮做鬧熱跈媽媽去轉外家，除了識媽媽這頭親介兄弟姊妹，房頭內上上下下介人， 輒輒佬阿姨喊到阿姊，佬阿姊恅到係阿姨，論輩毋論歲常透恁樣｢無大無細｣盡失禮，久久正轉去一擺，愛全部熟識也講係無恁堵好。在 吂讀書進前，大阿舅介兩個讀師專介妹仔跈等也就愛去學校教書做先生哩。有一擺過年，阿細舅做頭家佬歸大群介細人仔佇禾埕項抽雞頦仔準搞介，毋使錢有歡喜就好通體佇屋簷下噴到鬧熱煎煎。出大門前介花園項，還有好多細阿哥仔佬細阿妹仔相湊去囥人尋，花樹下忒落囥毋塞、鐵樹歸墣仔葉仔尖尖又會戳人，囥上囥下背尾囥到無奈好去囥，跳上跌落連圍牆下介豬欄背也相搶攏等落去，出出入入喊著噦噦嘶嘶大嫲牯聲。 掃阿過鐵樹背，看等兩個大阿姊佇桂花樹下介石凳坐等，隨手拉等去取鐵樹較老又硬硬介葉仔放佇石桌頂，一枝係取長長介做劍身，一枝就拿來拗短短一截中央攊一細縫仔，取堵好做得穿出劍身交等十字形出來，恁樣就做出一枝枝｢寶劍｣，分分揪這兜搞著會反介發肉雄，續等又翻過屋側角佇大褣樹下相遲逗打。人手一枝橫橫劃劃打上打下，正著惹來惹去就會有人毋擔輸贏，一下打潑賴就愛大人來救駕正做得收山。
兜用鐵樹來做｢寶劍｣，這種樹仔在植物學安到｢蘇鐵｣，做園藝看靚又安到｢鳳尾蕉｣或者係｢鳳尾松｣，係蘇鐵科介裸子植物屬於常綠喬木。 葉仔生著像係鳥毛款仔介羽形複葉，向四方平均輻射出來，葉質堅實硬撐像針尖尖。 雌雄無共頭，公介花生來圓鈍鈍仔略略像松樹介毬果，嫲介花自葉心中央抽出像球形打介果子像桃子，看起來嫲介花比公介花色會較勻也較靚。漸漸仔熟水介鐵樹子，一頭識有打過三百八十五粒恁多。硬梗高有2─5公尺，像銔鉈粗粗大大。係生到溫帶地區一般係毋會開花，斯做得拿來看靚仔定定。在台灣除了做得佇花園肚觀賞介同途，民間療法做藥佬鐵樹講到會企，講鐵樹無毒全部得做藥，做成青草膏味道淡淡仔藥性和和仔，有涼血消炎、止痛，對這瘀青也亦有效。真經有效也係無效，這下醫藥恁發達，也無多使愛去用著民間的方法。
頭擺愛看鐵樹開花真經係難得一見，老古人言就用「鐵樹開花」來比論事情無恁容易做。雖然鐵樹介花期做得續等一個月以上，毋過盡遽還係要有10過年正會開花，故所又有一種講法，人在一生中，若係有見到兩棵鐵樹同時開花，就係大富大貴介好命人，人人都愛雙喜同慶吉祥富貴，毋過愛堵著恁樣介機會也係無定無著。台灣從北到南頭尾兩頭大不同，其實在我們身邊就有當多值得恩俚用心去瞭解介常識。應該恁樣來講早先「鐵樹開花」，係因為大陸北方環境無適合鐵樹介成長，當久正會開一擺花故所會有恁樣介傳說下來。愛講著這下從台灣頭到尾，一年透天愛看鐵樹開花毋驚會無，故所通天下也就毋介麼係新奇介事情哩。
八月蕹菜芽，當過豬油渣
小時候聞到廚房撲鼻而來炸豬油的香氣，隨時等著打起熱呼呼的｢豬油渣｣，絕對不輸｢蝦味先｣香油酥脆的口感，趁大人一轉身伺機偷偷抓起當做｢零嗒｣一口口吃。豬油已炸好滿滿的一大油罐用上個把月不成問題，就連炸剩的豬油渣渣，再拌上味噌放在飯鍋內過個氣蒸一下，或和蘿蔔乾一起炒，就是一道道下飯吃了會令人｢尋味｣的美味。
每每想起阿太的年代，就在自家廚房濃濃的菜飯原味，佇足屋後園圃間的款款身影更加清晰在目。而菜園內除了根、莖類適合曬乾的蔬果，豐沛的溝水更讓｢蕹菜芽｣飆高挺立，順著採收而原株還會繼續｢綻筍｣又可長出嫩綠的芽苗。雖然｢八月蕹菜芽，當過豬油渣。｣但阿太曾經叮嚀，若已服用中藥可要避免吃蕹菜，以免被｢解藥｣而喪失藥效。
作者：徐翠真
轉載：客家親 第三十七期 http://br.ihakka.net/main.htm
有時有日來相會
記得讀國民學校一、二年生介時節，逐日放學整理好書包仔除哩去堵著發風落雨，離校前老師定著會渡等歸班仔排列，到國父銅像前行三鞠躬禮。頭昂昂仔日頭晟光又刺眼，細細介腦海打起仰會從來就毋識講｢樹伯公，正來嫽 !｣好在側旁高擎擎介茄苳樹庇蔭，後背真真就佇校長室頭前介花園肚，種有硬撐硬撐一墣墣介鐵樹，尖尖介鐵樹會戮人，通體學生仔略略仔一下也毋敢兼身。一旦識聽人講｢鐵樹開花太平年｣，也有講係｢鐵花開花天下亂｣，對一個毋知頭天正去讀書介細猴仔來講，鐵樹一百年正會開花，愛等到奈時正會等得到 ?「鐵樹開花」像天西就無恁遠介｢天方夜譚｣，愛開花也怕無恁該正著 !沒想到天年各變，這下臺灣南部亞熱帶介天時適合引進各種｢蘇鐵｣，故所常年透天滿奈仔都係｢鐵樹開花｣介花花世界。看著鐵樹就會想起當多做細人仔在阿婆花園肚介童年回憶。因爭阿姐公39歲盛年過背後，阿姐婆分人盡感心一隻婦人家毋單淨愛帶等3男4女，肚屎肚又還囥有一隻遺腹子吂出世。雖然庄項人講曾屋無愛蓄妹子 ? 實在係｢擔竿無齧顧雙頭｣無偎無靠難過桄，故所二阿姨對歲後還有媽媽一滿月就分人去食別儕介乳。｢鐵打心肝，會落軟。｣聽講阿姐婆識背帶攜等佇竹南姐婆介屋角唇行上行下，毋堵好續分阿太撞著，兩子親家且姆尷尷尬尬三拉四挷背帶續落下來，阿姐婆孤不將正入阿落屋，看到牛奶餅大嫲銅笐，還有搞介咖啦貨仔滿眠床頭，知知自家這個妹仔有世大人恁惜毋會衰過，吃飽畫正包袱仔打等轉。媽媽大哩逐擺轉去｢鼻乳膄｣，兩子哀枕頭唇有盡多捨毋得介說不盡介話頭好講。這下看起來媽媽恁多姊妹，續係這個無佇屋下食阿姆乳，佬阿姐婆介身裝仔連行路也越來越像。
阿姐婆係大屋下人，上家下屋連叔伯介共下算仔去，房內愛喊做阿舅介盡多。一下過年也係堵到打醮做鬧熱跈媽媽去轉外家，除了識媽媽這頭親介兄弟姊妹，房頭內上上下下介人， 輒輒佬阿姨喊到阿姊，佬阿姊恅到係阿姨，論輩毋論歲常透恁樣｢無大無細｣盡失禮，久久正轉去一擺，愛全部熟識也講係無恁堵好。在 吂讀書進前，大阿舅介兩個讀師專介妹仔跈等也就愛去學校教書做先生哩。有一擺過年，阿細舅做頭家佬歸大群介細人仔佇禾埕項抽雞頦仔準搞介，毋使錢有歡喜就好通體佇屋簷下噴到鬧熱煎煎。出大門前介花園項，還有好多細阿哥仔佬細阿妹仔相湊去囥人尋，花樹下忒落囥毋塞、鐵樹歸墣仔葉仔尖尖又會戳人，囥上囥下背尾囥到無奈好去囥，跳上跌落連圍牆下介豬欄背也相搶攏等落去，出出入入喊著噦噦嘶嘶大嫲牯聲。 掃阿過鐵樹背，看等兩個大阿姊佇桂花樹下介石凳坐等，隨手拉等去取鐵樹較老又硬硬介葉仔放佇石桌頂，一枝係取長長介做劍身，一枝就拿來拗短短一截中央攊一細縫仔，取堵好做得穿出劍身交等十字形出來，恁樣就做出一枝枝｢寶劍｣，分分揪這兜搞著會反介發肉雄，續等又翻過屋側角佇大褣樹下相遲逗打。人手一枝橫橫劃劃打上打下，正著惹來惹去就會有人毋擔輸贏，一下打潑賴就愛大人來救駕正做得收山。
兜用鐵樹來做｢寶劍｣，這種樹仔在植物學安到｢蘇鐵｣，做園藝看靚又安到｢鳳尾蕉｣或者係｢鳳尾松｣，係蘇鐵科介裸子植物屬於常綠喬木。 葉仔生著像係鳥毛款仔介羽形複葉，向四方平均輻射出來，葉質堅實硬撐像針尖尖。 雌雄無共頭，公介花生來圓鈍鈍仔略略像松樹介毬果，嫲介花自葉心中央抽出像球形打介果子像桃子，看起來嫲介花比公介花色會較勻也較靚。漸漸仔熟水介鐵樹子，一頭識有打過三百八十五粒恁多。硬梗高有2─5公尺，像銔鉈粗粗大大。係生到溫帶地區一般係毋會開花，斯做得拿來看靚仔定定。在台灣除了做得佇花園肚觀賞介同途，民間療法做藥佬鐵樹講到會企，講鐵樹無毒全部得做藥，做成青草膏味道淡淡仔藥性和和仔，有涼血消炎、止痛，對這瘀青也亦有效。真經有效也係無效，這下醫藥恁發達，也無多使愛去用著民間的方法。
頭擺愛看鐵樹開花真經係難得一見，老古人言就用「鐵樹開花」來比論事情無恁容易做。雖然鐵樹介花期做得續等一個月以上，毋過盡遽還係要有10過年正會開花，故所又有一種講法，人在一生中，若係有見到兩棵鐵樹同時開花，就係大富大貴介好命人，人人都愛雙喜同慶吉祥富貴，毋過愛堵著恁樣介機會也係無定無著。台灣從北到南頭尾兩頭大不同，其實在我們身邊就有當多值得恩俚用心去瞭解介常識。應該恁樣來講早先「鐵樹開花」，係因為大陸北方環境無適合鐵樹介成長，當久正會開一擺花故所會有恁樣介傳說下來。愛講著這下從台灣頭到尾，一年透天愛看鐵樹開花毋驚會無，故所通天下也就毋介麼係新奇介事情哩。
八月蕹菜芽，當過豬油渣
小時候聞到廚房撲鼻而來炸豬油的香氣，隨時等著打起熱呼呼的｢豬油渣｣，絕對不輸｢蝦味先｣香油酥脆的口感，趁大人一轉身伺機偷偷抓起當做｢零嗒｣一口口吃。豬油已炸好滿滿的一大油罐用上個把月不成問題，就連炸剩的豬油渣渣，再拌上味噌放在飯鍋內過個氣蒸一下，或和蘿蔔乾一起炒，就是一道道下飯吃了會令人｢尋味｣的美味。
每每想起阿太的年代，就在自家廚房濃濃的菜飯原味，佇足屋後園圃間的款款身影更加清晰在目。而菜園內除了根、莖類適合曬乾的蔬果，豐沛的溝水更讓｢蕹菜芽｣飆高挺立，順著採收而原株還會繼續｢綻筍｣又可長出嫩綠的芽苗。雖然｢八月蕹菜芽，當過豬油渣。｣但阿太曾經叮嚀，若已服用中藥可要避免吃蕹菜，以免被｢解藥｣而喪失藥效。
作者：徐翠真
轉載：客家親 第三十七期 http://br.ihakka.net/main.htm
回應
I really enjoyed reading your bio. You have a wonderful family. I am proud of your Hakka mentality.I came from Miaoli City also. We met before.
Best regards,
Paul Huang
Richardson (Dallas), TX
Cell: 214-883-0688
- 回應日期：2009-09-17 08:38:38
- |
- 回應人：Paul Huang
